cshgm رسالة من الغربة

 

========================================================================================================================== التايهين في الغربه ( رسالة لكن صعبه) =========== التايهين في الغربة خايفين يرجعوا ليه ؟ّ! دا احنا بلدنا رحبه والغربة فيها أيه ؟! الحياة برة صعبه ومافيش شىء نندم عليه الرحمه برضو حلوه إيه اللي بتفكر فيه ؟! حاول تقولي مره سايب بلدك ليه طفشان من أجل اللقمه وطني مقتنع أنا بيه حقولك أنا هارب ليه حاجات كتير قلقاني والدنيا مغلباني وسنيني كتير قدامي من القسوه محملاني وٌن رجعت لبلدي تاني حشوف عذابي وهواني وحعيش ورا قضباني مابين عذابي وهواني أنا نفسي أرجع بلدي والقاها تخدني فى حضني أنا مش متطرف ولا إرهابي أنا بس عبرت عن رأي نفسي تعلا بلدي وأنا عشقي كلي لوطني لو القى مبادرة عظيمة تتسامح أنا معملتش أى جريمة أنا مش إنسان بريمه ولا آلة كاميرا وسيما أنا بس بشوف الواقع واعلق عليه من دافع حبي لبلدي وانا عاشق تراب وطني والوطن دايما له قيمه أنا سنيني عايش فى الغربة بنام وانا بحلم بيكي يا وطني أرضك وسماكي قمرك ونجومك وعلاكي واتذكر طفولتي فيكي صحابي وأهلي وناسي وعمري في يوم ما انا ناسي شارع الترعة وقلوب ورعة والمدارس كدة والجامعة وانا باكل شاندوتش الفول واتمشي علي الكورنيش علي طول ومعايا قرطاس ترمس وازقز لب محمص وصديق عمري سيد عرفه مات وعلية الرحمة وماشفتوش من عشر سنين لكن الذكرى صبحت وجعه لو كنت فى ارض وطني لهون كده من أمري كانت عيوني بتبكي وماعرفش لمين حاشكي متوحشك قوي يابلدى ما افظع ايام الغربه وانا بشرب حتي المية فى بلدي كانت طعمه والصلاه فى المسجد يوم الجمعة ونتلم فى اروع سهرة نتحاكى وتحلي السهرة ودلوقتى وانا في الغربة حياتي كلها صعبه لا قادر اتكيف واتوازن حتي واصيف يا اجمل شواطيء بلدى وحياة فيها سعدي والغربة غصب عني انا بس جوايا إنسان مش محتاج أبدا برهان انا بس عبرت عن نفسى وكتبت توتية من عندي وعرفت إني مدان ومليش في بلدي مكان قررت بسرعة أتغرب لغاية التهمه ماتسقط لكن وضعت علي قايمة الترقب فى اي وقت أوصل اتعرض للسجن المشدد أنا مش مجرم ولا متطرف ولا إرهابي ولا حد كان له مكاني أقولي حايعمل إية ؟ وقلبى موجوع لية أنا في ليلي مابعرف أنا بفتكر كل مكان كان لي فيه ذكرى والمقاله الجاية حا اتكلم في كل حكاية يمكن تبقي رواية يعرفها الأجيال الجاية لية أنا أنا في الغربة ومش عارف ارجع ========= بقلم الشاعر المصري ابراهيم خليل ===============