دورى يا حكومة

=2=
دورى ياحكومة
-------------
دورى ياحكومة فى السجلات اللى عندك
حتى اللى فى الورق
اللى إحترق
----
ناخد الأفكار منك كيف
أموال المعاشات أنسرق
----
والفقراء فى متاهات الحياة مش لاقية من
الفول الطبق
------
والمليارات اللى ليهم تاهت
وخفيت من الورق
-------
أة ياخوفى عليهم اللى مات
من الهم فاقد واللى حي
لسة واقف فى النفق
----
واللى مبتور اللسان مش قادر يطالب بحقة واللسان
مانطق
------
والحكومة عارفة إية يعنى
شوية عجزة اللى مشدود
على سوستة بيتعتق
----
وإلا اللى مربوط فى حبل على طاولة بيزنق
---
أية حيعمل الكل فيهم من
مظاهرة أو إحتجاج .. هم قادرين يصلبوا طولهم من
مرض أو حتى إنفتاء ... هم
مايقدروا يصدروا لينا القلق
----
إحنا بس إحنا الحكومة لية بس نفكر
شوية فيهم .. دول غلابة
ولا حد فيهم يقوى حتى
لو نطق دول قش أو شوية
ورق .. بكرة طيرهم الرياح
إذا لريح إنطلق .
-----
هم نسيوا الأيام جاية عليهم واللى فكر نفسة أسد
على الغلابة .. بكرة يبقى
فيهم .. يصرخ يولول
ولا أحد يستجب
----

يا حكومة إقرأى الديوان
اللى إنكتب
وافتحى السجلات حتى والورق
وافهمى إية يجب
----
فية ناس مش لاقية تاكل
م الزبالة بتدور على لقمة
أو حتى من بين الحطب
----
إحسبيها يا دولة العواجيز
مين من المعاشات كسب
والفقر مالية دايما للركب
---
أحسبى تاريخ طلوعة على المعاش .. قد أية مرتبة نقص واللى نقص ما تحسب
---
ضاعات البدلات والأمتيازات والمكآفات وكل ميزة تنتسب
----
واللى عاش واللى مات واللى منتظر ثورة للغضب
---
عصبوا عين الحياة وسط دخان ولهب
------
والعجز يمخر فى العباب
والكل ينجو لو وثب
---
لكن العجو واصل للركاب
من المرض ومن الفقر الهباب كيف عجزة ينتصر
---
ليس قدامة إلا العذاب وحكومة باردة بتحتضر
-----
فين المليارات أموال المعاشات من فى الحكومة
اللى سرق .
------
وساب اليتامى والآرامل
والثكالى والفقرا جوة جولة من العذاب على الورق .
---
منتظرة من الحكومة العاجزة كلمة لو لسانها
الأخرس نطق.
-----
تنصف المظلومين واللى بيتساقطوا من الشمال واليمين واللى منتظرة سنين شوية فول فى طبق
----
واللى بينعم بفلوسهم ملايين
واللى يزعل يتحرق
== مقالة قصيرة جدا جدا
كلمات : ابراهيم خليل
رئيس تحرير جريدة شموع الأدبية العير دورية الورقية