لملمى يا مصر الضفاير
لملمى يامصر الضفاير
---
لملمى يامصر الضفاير ماعندك مانع
تبقى كتافك عود
ونغنى ع الربابة .. مادام القلب خاشع
والكريم موجود
لململى خصلات شعرك كالحرير الطاير
دهب ياقوت
يامصر ياضمة الكنايس ......... والجوامع
وكل البيوت
الجمال واضح وباين ......... والنور طالع
هدوء وسكوت
فلاحين بتزرع .......... وعمال مصانع
والخير موجود
والقلب صافى ................... للة ضارع
والإيمان بيسود
وحياة بتجمع ............ كل قلب خاشع
فى صلاة وسجود
-----
لية يامصرى .... .. وانت للأذان سامع
والميعاد مايفوت
تعكر صفو بلدك .... والفجر لسة طالع
والصباح يعود
نلقى قلب معاند .............. والطريق والع
وقوافل موت
كم شهيد عنك يامصر ............. يدافع
لجل الوجود
لملمى يا مصر الضفاير ...... ماعندك مانع
الشعر ع الكتاف يعود
الشعب كريم ....................... وسرة باتع
واللة موجود
شاهد ربى ............................. وسامع
ربنا المعبود
قادر تعودى يامصر تانى ... عفية للحياة
وخلود
لملمى يامصر خصلات شعرك الفجر طالع
على كل الوجود
== كلمات الشاعر المصرى : ابراهيم خليل
رئيس تحرير جريدتى التل الكبير كوم وجريدة
شموع الأدبية الورقية الغير دورية ت:
01153309813
تعليقات
إرسال تعليق